|
 Շատ հաճախ ծնողներին և ուսուցիչներին անհանգստացնում է այն հարցը, թե ինչպես անել, որ առաջին դասարանցիները հեշտորեն յուրացնեն գրելու կարողությունը: Մինչ գրելը դառնա հմտություն, աշակերտներն պետք ունենան մի շարք կարողություններ: Այդ կարողություններից է տարածության մեջ կողմնորոշվելը. երեխաները պետք է կարողանան գրել տողի վրա, և ոչ թե տողից ներքև կամ վերև, անհրաժեշտության դեպքում պետք է սկսեն գրել տողի կենտրոնից կամ ձախ լուսանցքի մոտից և այլն: Գրելու համար շատ կարևոր է նաև երեխաների նստելու ճիշտ դիրքը (մեջքը ուղիղ պահել, ոտքերը հենել, գրիչը ճիշտ բռնել, ձախ ձեռքը տետրի վրա և այլն): Պետք է նաև ուշադրություն դարձնել գրությամբ նման, օրինակ, ձեռագիր Ձ և Ջ տառերին,Ջ-ն գրվում է տողի վրա, Ջ-ի մի մասնիկը` տողի վրա, մյուս մասնիկը` տողից ներքև: Երեխաները, հաճախ չկողմնորոշվելով, կարող են շփոթել այդ տառերը, մեկը գրել մյուսի փոխարեն:
Քանի որ տարածական պատկերացումները դեռ զարգացման փուլում են, և երեխայի մեջ ինքնավերահսկողությունը ձևավորված չէ, շատ կարևոր է այս շրջանում ծնողի ներկայությունը դասապատրաստման ընթացքում:
Ըստ մանկավարժության` պարբերականության, հաջորդականության և անընդհատելիության սկզբունքների` պետք է անընդհատ հետևել երեխաների գործունեությանը, շեշտել` որտեղից սկսել գրելը, քանի տող բաց թողնել հաջորդ աշխատանքը գրելու համար և այլն:
Այսպիսով, ամփոփելով կարող ենք ասել, որ քանի դեռ գրելու կարողությունը “սովորություն” չի դարձել աշակերտների մեջ, անընդհատ պետք է հետևել, հսկել, ուղղորդել նրանց գործունեությունը:
|
ԻՄ ԵՐԵԽԱՅԻ ԴՊՐՈՑԸ