Մարտիրոսյան Լիլիթ

Ապրել, ապրել, այնպես ապրել, որ դու չզգաս
քո սեփական ծանրությունը,
Ապրել, ապրել, այնպես ապրել, որ դու չզգաս
քո սեփական մանրությունը:
Պարույր Սևակ

        Դպրոցում աշխատում եմ 1994թ-ից:
Բացի ադմինիստրատիվ աշխատանք կատարելուց` դասավանդում եմ նաև կիրառական տնտեսագիտություն և հայրենագիտություն:
Դպրոցն այսօր գիտության թիկունքն է, այդ պատճառով ուսուցչի աշխատանքը մեծ մասամբ հիշեցնում է գիտնականի աշխատանք. ավելի քիչ է կրկնությունը, և ավելի շատ` ստեղծագործությունը:
Սիրում եմ աշխատել երեխաների հետ: Երեխան պետք է զգա ուսուցչի սերն ու հոգատարությունը: Յուրաքանչյուր երեխա մի անհատականություն է, և թափանցելով նրա ներաշխարհը` ես փորձում եմ օգնել նրան, որպեսզի նա հնարավորինս հեշտությամբ հաղթահարի բոլոր դժվարությունները:
Ես շատ եմ կարևորում հայրենագիտության մատչելի մատուցումը և հետևողական եմ իմ աշխատանքում. աշակերտը պետք է  յուրացնի նյութը, իմանա և կարողանա շարադրել տեսությունը ու կատարել գործնական աշխատանքներ: Չ՞է որ իմ դասավանդած առարկան մեծ հնարավորություն է ընձեռում` ճանաչելու հայրենիքը, սիրելու նրա բնությունը, զարգացնում է գեղեցիկը տեսնելու և գնահատելու ունակությունը:

«Զրույցներ մեր բնակավայրերի մասին»