-
Տաթևիկ Մելքոնյան
Trainer Training Summer School for teachers
Ավարտել եմ Վ. Բրյուսովի անվան օտար լեզուների համալսարանը: Այժմ Խ. Աբովյանի անվան պետական մանկավարժական համալսարանի մանկավարժության ամբիոնի հայցորդ եմ: Մասնակցել եմ օտար լեզվի, ինֆորմատիկայի ուսուցիչների և դասվարների մասնագիտական կատարելագործման դասընթացներին: 2009թ. մասնակցել եմ Microsoft-ի «Նորարար ուսուցիչներ» մրցույթին և ստացել առաջին կարգի մրցանակ: 2011թ. հուլիսին մասնակցել եմ British Council-ի կողմից հայտարարված` վերապատրաստող ուսուցիչների վերապատրաստման դասընթացներին մասնակցելու մրցույթին, հաղթել եմ և մեկնել Ստամբուլ: 2011թ. նոյեմբերին Կրթության ազգային ինստիտուտում անցկացվող անգլերենի ուսուցիչների վերապատրաստման դասընթացների ընթացքում ներկայացրել եմ նորագույն տեխնոլոգիաների դերի ու կարևորության վերաբերյալ մանկավարժական մեթոդներ: Ունեմ ուսուցչի շուրջ տասը տարվա փորձ: Դասավանդում եմ անգլերեն և ղեկավարում 6-3 դասարանը: Իմ աշխատանքում կիրառում եմ մանկավարժության նորագույն մեթոդներ և տեխնոլոգիաներ:
Երեխայի դպրոցն ընտրելիս ծնողը երազում է, որ իր երեխան կարողանա ազատ ու գրագետ խոսել անգլերեն:
Յուրաքանչյուր սովորողի ընդունել եմ որպես անհատականություն և յուրաքանչյուր անգամ հարցրել եմ ինքս ինձ` ես իրո՞ք ճանաչում եմ այս երեխային, լիովին ծանո՞թ եմ նրա հնարավորություններին ու նախասիրություններին:
Դասապրոցեսում օգտագործում եմ ուսուցանող երգեր, խաղային հնարներ, դերային խաղեր: Երեխաները սիրում են սովորել անգլերեն, ծանոթանալ լեզվի մշակույթին, օգտվել նորագույն տեխնոլոգիաներից:
Ես համոզված եմ, որ ուսուցչի աշխատանքը արդյունավետ և նպատակային կլինի, եթե նա կարողանա հավատարիմ մնալ իր կոչմանը և յուրաքանչյուր դաս դարձնել յուրօրինակ, գրավիչ, բովանդակալից ու հիշվող: Ժամանակակից ուսուցիչը պետք է կարողանա հայտնաբերել երեխայի լավագույն որակները, խրախուսել ու ոգևորել նրան: Յուրաքանչյուր դաս պետք է յուրաքանչյուր երեխայի բավարարվածություն և հրճվանք պարգևի:
Ուսուցիչը, ինչպես բոլոր ժամանակներում, այնպես էլ հիմա, պետք է լինի գրագետ, բարեկիրթ, գեղեցիկ, հոգատար ու ազնիվ:
Ես սովորեցնում եմ երեխային սովորել և անընդմեջ սովորում եմ ինքս:
Այդ երազանքը լիովին իրականանալի է, եթե ճիշտ ես ընտրում դպրոցը: Ավարտելով դպրոցը երեխան պետք է կարողանա ազատ խոսել անգլերեն, կարդալ գրքեր, ամսագրեր, գրագետ թարգմանել տեքստեր:
Դպրոցի գործունեության գնահատման կարևոր չափանիշներից է լեզվի դասավանդման որակը:
Ի՞նչն է գլխավորը անգլերենի ուսուցման մեջ:
Կարևոր է, որ ուսուցչի և աշակերտի միջև լինի դրական հաղորդակցություն և համագործակցություն: Եթե նույնիսկ ուսուցիչը հրաշալի մասնագետ է, իսկ աշակերտը` շնորհալի, միևնույն է` լավագույն արդյունք ակնկալել հնարավոր չէ, եթե ուսուցումը զարգացնող չէ: Ես համոզված եմ, որ երեխային պետք է ուսուցանել մի քանի լեզուներ դեռևս վաղ մանկության շրջանում: Գլխավորը դասավանդման ճիշտ ու արդյունավետ մեթոդներ ընտրելն է: Յուրաքանչյուր երեխա կարող է սովորել խոսել մի քանի օտար լեզուներով, սակայն դա իրականանալի է այն դեպքում, եթե դա նրան հետաքրքիր է: Դարձյալ կարևորը դասավանդման ճիշտ ու արդյունավետ մեթոդներ ընտրելն է:
Իմ կարծիքով հնարավոր չէ լավագույն արդյունքի հասնել միայն դասագրքի օգնությամբ, եթե նույնիսկ այն լավագույնն է: Ուսուցչից մեծ բան է կախված. լավ ուսուցիչը շարունակ հետազոտում, կատարելագործում է դասավանդման մեթոդները, հատիկ-հատիկ հավաքելով հայրենական ու արտասահմանյան համապատասխան նյութեր:
Լավ մասնագետը միշտ հարստացնում է իր գործիքակազմը սեփական նյութերով, տեսանյութերով, ձայնագրություններով, այլոց լավագույն փորձով:
Կարևոր է, որ ուսուցիչը օգտագործի դասավանդման ավանդական եւ նորագույն արդյունավետ մեթոդներ: Մեր դպրոցի բարձր դասարանցիները սկսում են մտածել անգլերենով: Սա էական արդյունք է, ինչին հասել ենք տարրական դպրոցում անգլերենի խորացված ուսուցման շնորհիվ: Երեխան ուսման հենց առաջին օրից անգլերեն է սովորում խաղային հնարների միջոցով:
Կրթության որակի ապահովումը հնարավոր է ուսուցչական համակազմի շարունակական կատարելագործման, ինքնակրթության և համագործակցության արդյունքում: Յուրաքանչյուր հաջողված դաս, մանկավարժական մեթոդ, հնար քննարկվում է, կատարելագործվում ու դառնում բոլորի սեփականությունը: Անգլերենի մասնագիտական խումբը մշտապես փորձարկում, մշակում, կատարելագործում և կիրառում է նորագույն, արդյունավետ դասավանդման մեթոդներ, դրանք համադրելով ավանդականի հետ: